माँ तोर याद आवेला

                  


माँ तोर याद आवेला


राइते मोंए जेखन छुइप छुइप के कान्दोना
माँ तोर नोरोम कोरा मोर लागिन याद आवेला ॥

आइज काइल मोंए जेखन मुश्किल से निंदाउना
माँ तोर कोमल हाथ मोर माथा में याद आवेला ॥

ओढ़ाल कापड़ा जेखन मोर बार बार गिरेला
माँ तोर गरम चुम्मा मोर माथा में याद आवेला ॥

आइज काइल जेखन दिन भाइर भुखे रहोना
माँ तोर हाथ केर स्वादिस्त  खाना याद आवेला ॥

हिया तो रागाय कोन भी खुदै मैन जाओना मोंए
माँ तोर बार बार मोके मनाएक याद आवेला ॥

निंद तो आहे आइख में लेकिन निंदाएक नि परोना
माँ तोर मधुर गीत याद आवेला ॥

जिंदागी केर रास्ता में जेखन सौ बर गिरोना
माँ तोर प्यार भराल सहारा केर हाथ याद आवेला ॥

मुश्किल में भी मोंय जेखन मुसकुराएख कोशिष करोना
माँ तोर सहाॅस भराल चेहरा याद आवेला ॥


                                               - महिमा केरकेटटा


https://chat.whatsapp.com/HwAlAkppIh6J4XVSDcq62q