KURUKH POEM 

बरके सेलेम मदगी पेसा।

बरके सेलेम मदगी पेसा,
कमके ती सुंदर ख़ोपा,
पैरी पैरी निन चोअःके,
ननके जमा काम और बुता।
बरके सेलेम मदगी पेसा,
कमके ती सुंदर ख़ोपा।।

पैरी बिडी निदी बरके,
लोहाडी ओंदरके अम्मू ही लोटा।
मंडी दरा ओनके बरके,
और ओंदरके पेसागे ख़चा।।

पददा टट्केला नू बरःई मुरूक मजा, टटख़ा, कठल ख़डोय तुती होले,
म चिःनर ऐंदरा हुॅ सजा।।

ऐडपा किररके मदगी ख़ेदके,
और मंडी ख़ोलके उनूम डुभा,
ख़टी मइया निन बेडरके,
मन्ना गुटी ऊख़ा।।

अरख़ी कमके अदीन बिसके,
ख़खरो बग्गे पइसा,
ख़खरका पइसन नुडके उइके,
ती ख़ेंदके साडी कोसा।
बरके सेलेम मदगी पेसा,
कमके ती सुंदर ख़ोपा।।

~ Abhilash Kujur
JASHPUR, CHHATTISGARH