OCOI Sadri Poem Competition - 2020
            Consolation Winner 🏆

के हेको मोई

सबसे खास हेको मोई
कहीयो नई लुकब अपन पेहचान
कितयो नई भूलाई के जब मोर असम
माथा के उठाई के कहब कि
मोई आदिवासी।

जईन लेवा मोर हिम्मत बागरा आहे
अपन कल्चर के हेराईक नई देवाब
अपन जाईत के बचाई के राखब
केहो हरुवाईक नई परबन मौके
याद रखबान की मोई आदिवासी।

उन्नति  करेक में ध्यान  देवब
जेे मौके आगे बाढहेक नई देवाथेन 
अपन आजादी के बेकार जएक नई देवाब
और कभी नई लाजब कहैक ले
कि रउरे के जोहर ॥

- Johnson Kujur
BAGANPARA, ASSAM