KURUKH POEM

           बोख्खो
     (कुड़ुख़ कविता)
पाक राजीनू बरचा बोख्खो
घासिन मोख़ो, अत्ख़ान तोख्खो
एन्दरान मोख़ो अड्डो मेख्खो
ख़ेस्सान मोख़ो, नाड़ान ख़च्चो
आर गही सईस पच्चो
एकासे अस्मा मेख्खो
आलर खेओर, ने जे अलखो
हिंद राजीनता गोल्लार बेलार
आरगा कोहाँ बोख्खो
आरिन अल्ला ख़च्चो
ख़ेस्सान मला ख़ल्लान मोख़ोर
तम्हैं उलान निंदओर
नम्हैं चुल्हान तेभओर
नमन आर खेदओर
कामन अम्बोत, एड़पा किर्रोत
पैदल एकोत, अच्च चख्खो
नमन पुलिस कप्पो
कुड़ियानु मुच्चो
दिल्ली ती बरओ
निंग सेड़ो बेख्खो
निंग्है मंईया कोरोना कट्टो
जेठ्ठे उल्ला अम्म बत्तो
ने जे ख़ेख्खन नोड़ो
अमके मोख़ा ओसगा चोट्टो
हुर्मी बीरी डबके गोच्चो
कुक्क नंज्जओ
मुंईती चुरख़ो मुस्सो
नड़ी धरओ
आलर खेओर, राजी खेओ
सरकार नम्हैं ख़ल्लन बच्चो
आदगा हिके कोहाँ बोख्खो
पाक राजी मंईया
अलखो दरा एन्दरा ख़ख्खो
एका उल्ला बरओ
नम्हैं दौ उल्ला
अक्कून बेड़ा रअई
नाम समड़ारओत
मलाबीरी हुर्मी उल्ला
रओत नाम बोख्खो
बोख्खो चखना
नन्ना आलरगे दौ लग्गो
मोख़ोर दरा अलखोर नम्हैं मंईया।

~ Elias Toppo